Yehey!

After two weeks ng pagmumuni-muni na nakakatamad gumawa ng chapter 3 ng thesis book (kasabayan nito yung panghinayang series) at parang mas maganda pa yung gawa ng chapter 3 ng friend ko (humingi ako ng file ng thesis niya para gawing guide), meron na rin ako! Although hindi pa tapos, pero kaunti na lang talaga, tapos na yung chapter 3! Local case study na lang, pati isang article para sa review of related literature.

Sobrang tuwa ko talaga na natapos na rin yung foreign case study. Yehey!

Achievement unlocked.

It may look like a small achievement, pero malaki na ito para sa akin.

Sobrang natutuwa talaga ako. Siguro kaya ako ganito natutuwa dahil mas mahaba na rin yung oras na nailaan ko sa thesis ngayong araw kesa kahapon. Kahapon kasi, 2 1/2 hours lamang habang ngayong araw, doble na.

Consultation Day 2

9AM daw nasa school si thesis adviser.

10:30AM na ako nakarating ng school.

Expectation:

Me to self: "Nako, baka mamaya may pila na yan sa pagpapa-consult."

Reality:

Me to self: "Nasaan ang pila?"

And things went well, although ang tanging nagawa ko lang ay pagpapapirma ng mga kakailanganin na liham para sa thesis data gathering. Hindi pa rin ako tapos sa iba pang parte ng iba't ibang thesis chapters dahil nawawalan ako ng gana gumawa. Huhuhu.

Pero ang bilis lang talaga ng consultation na iyon. Share lang.

Note to Self #10

Tanggapin mo na lang yung mga nangyari. Move on, dude. Sayang ang time.

Tandaan, napakapangit sa pakiramdam ang magahol sa oras. Never again.

Note to Self #9

Don't ever befriend complacency, or make it a habit.

Even if it's just in your wildest dreams, don't.

No choice.

Hindi mapigilan ng sarili ma-down kahapon sa labis ng panghihinayang. Alam mo yung mga "what ifs"? Ayun din ang isa sa mga tumatakbo sa isipan ko kahapon, bukod sa "sayang". Napagdesisyunan din ng sarili na tumigil na lang din sa paggawa muna ng thesis dahil sa mga nangyari. Sobrang nakakapanghinayang talaga kasi e. :(

Hindi ko aakalain na sa aking pagmumuni-muni kagabi, nakatulog ako bandang pagabi na. Paggising ko, ika-8:30 ng gabi. Hello muli sa sirang body clock.

Pagkabangon, wala na rin ako balak ituloy pa ang thesis at pinagbukas na lang ang gawaing thesis. Naisipan ko magbasa na lang ng isang magazine at libro, pati ituloy na lang din ang kasalukuyang pinapanood na kdrama na Reply 1994. Para mahimas-masan ang sarili. Para makabangon muli kinabukasan. Natigil ako sa episode 16 nung makitang sobrang relate ako roon sa isang eksena sa episode, na naka-post dito mula sa mga nakaraang entries.

At may nakita na naman ako mula sa episode 16.

Screenshots from Reply 1994 episode 16

Sobrang nakaka-relate lang. Huhuhu. Oo, no choice na talaga ako ngayon kundi tanggapin na lang kung ano ang nangyayari. At kung nalagpasan ng sarili itong problema, e di okay.

Bakit ba kasi wala ako gana gumawa ng mga matitinong thesis proposals noon? Ayan tuloy. :(

Pero dude, tama na yung panghihinayang thinking hours. Sayang yung oras sa paggawa ng thesis. Sapat na ang kagabi sa pansamantalang pagtigil sa paggawa ng thesis. (Siguro kaya rin nanghihinayang ang sarili dahil mas madali gawin iyon kesa sa mismong thesis. Hahaha.)

Later that night, pagkatapos matapos ang episode 16 ng Reply 1994, napa-research ako sa Google kung paano ma-overcome ang ganitong pakiramdam ng panghihinayang. Sobrang overwhelming talaga yung panghihinayang na iyon, at nakakatakot na rin yung laki ng panghihinayang.

Umokay nga pala ang kalagayan mula sa panonood ng kdrama at pagbabasa. Thank God. Sa kasalukuyan, ongoing ang pagiging okay. Kahit na hindi maiiwasan maisip yung mga magagandang posibilidad sa ibang thesis proposals, ang mahalaga ay may approved thesis proposal ako.

Ika nga ni mareng Alicia:

Why o why?

Bakit yung mga magagandang ideas, late mo na lang naiisip? Kung kailan desidido ka na at pinili mo na yung iyong desisyon, at kung kailan nangyari na ang lahat, doon lang susulpot yung magandang idea na iyon.

Yung dating thesis ko kasi, yung akala ko na hindi ko na lang itutuloy dahil mahirap yung data gathering (napaka-time consuming kasi tapos wala pang assurance na matutulungan ka huhu), ay pwede pa pala masalba. Pwede ko naman palitan na lang yung thesis title nun, as long as relevant pa rin sa dating thesis title. Less hirap na sa data gathering, less work na rin para ma-complete ang thesis book dahil halfway done na iyon. Kagabi ko lang iyon napagtanto.

Kung kailan nakagastos na sa mga kakailanganin para sa bagong thesis proposal.

Sayang talaga. Sayang talaga. Napakalaki talaga ng aking panghihinayang. Kaya pala ganoon na lang din yung pagdadalawang-isip ko ituloy yung bagong thesis proposal. Nanghihinayang ako sa naging gastos talaga.


Sa mga nangyayari sa akin ngayon, nae-entertain ko na yung thought na gusto ko na lang mag-work para mabawi ko yung malaking nagastos sa thesis na ito.

Nawawalan na ako ng gana gumawa ng thesis dahil sa sobrang panghihinayang. HUHUHU.

Huhuhu.

Screenshots from Reply 1994 episode 16

Ilang oras din ako naganito simula nung mapagtanto ko na pwede pa pala ma-push yung isang 

proposal ko. Huhuhu. Namoblema talaga ako roon sa site dahil yung site ng magiging thesis proposal ko, hindi na sa kanila yung nakalagay na site roon sa proposal ko. Mas madali kasi ma-approve ang isang thesis proposal kung may site na naka-indicate. Nabalitaan ko na lang kasi na nabili na ng iba yung target site ko. Hindi na appropriate yung site para sa thesis proposal ko, e baka mamaya niyan kung tinuloy ko pa rin, maluto ako sa jury dahil may nakakaalam pala nung kalagayaan ng site. Yari ako niyan.

Sayang talaga yun. Nanghinayang talaga ako roon last week. Tapos kaninang past 8PM, napagtanto ko na may tinatawag nga palang "site selection" doon sa book chapters ng thesis. Pwede naman ako maghanap pa ng iba pang site as long as wala pang masyadong info tungkol sa magiging site ng project.

Ang problema, hanggang ngayong Sabado na lang (ika-22 ng Hulyo) ang deadline ng pagpapa-approve sa mga profs ng thesis proposals. Tapos kailangan muna ng pirma ng adviser bago magpapirma sa iba pang profs. Tuwing Sabado lang yung thesis adviser namin sa school.

Hindi na ako aabot kapag pinush ko pa.

Kaya ayun. Napatigil na lang ako sa paggawa ng chapter 1 ng thesis dahil bakit ngayon ko lang naisip iyon? Sayang talaga! Nanghihinayang kasi ako sa magiging gastos sa thesis proposal ko na malayo pero approved na ng iba't ibang profs. Ilang libo rin kasi kaagad yung magagastos para lang makuha yung data and other related information. :(

The question right now is: Bakit hindi ko inentertain yung thought last Saturday na papirmahan pa rin yung proposal na iyon na malapit kahit na naisip ko na ituloy ko na lang yung proposal na malayo dahil approved na? Naisip ko na talaga nung Sabado ipa-approved yun, kaso bakit hindi ko inentertain yung thought? HUHUHU. Kasi naisip ko that time na huwag na lang papirmahan yun e dahil "sure na raw" ako na ituloy yung proposal na malayo.

Hello, complacency. You're bad. :(

Sobrang naiinis talaga ako sa sarili ko. BAKIT HINDI AKO NAG-IISIP? Kaya pala ganoon na lang ang pagdadalawang-isip ko ituloy na lang yung thesis proposal na malayo. :(

Bakit ba ngayon lang ako nakakapag-isip ng maayos? Bakit hindi ako masyadong nag-research noon ng mga proposed projects na malapit lang? Bakit hindi ko masyado binigyan pansin yung mga recycled thesis ko na pinasa ko na lang basta-basta for approvals? Recycled thesis proposal lang itong proposal na malayo from last year na inapproved ng profs ngayong taon.

SOBRANG NANGHIHINAYANG TALAGA AKO SA MAGIGING DAGDAG GASTOS KO SA THESIS. Pero wala e. Ano gusto mo? Ituloy na lang yung thesis na magastos na kapag pumasa ay may chance makapag-martsa sa susunod na taon o maghintay na lang ng panibagong semestre/pasukan para makapagpa-approve ng thesis na malapit at makakatipid?

Simula ngayon

Nadadama ko na na matagal-tagal muli bago ako makakatulog ng mahimbing at maayos. Simula na rin kasi "officially" ng paggawa ko ng thesis. Sa second week pa ng Setyembre ako muli makakatulog ng mahimbing.

Hindi rin kasi ako makagawa ng maayos dahil somehow may attachment pa sa dating thesis. Huhu. Yung tipong baka nga mamaya may paraan pa maisalba yung dating thesis. Hindi ko pa lang nakikita. At saka, yung pagkasabi sa akin ng isang kakilala na sa kanya magpa-consult, medyo na-attached ako roon. Most likely, ito ang rason kaya siguro hindi ako makapagsimula kaagad gumawa ng thesis dahil dito. Although alam ko na hindi naman siya mag-eeffort maghanap ng other data and info para masalba yung dating proposal ko (dahil may mga iba pa siyang gawain), somehow kailangan masabi sa kanya na yung bagong proposal na lang yung gagawin ko. Tipong dating closure ito. Haha. Usapang dating proposal kasi nung sinabi niya sa akin na sa kanya na lang ako magpa-consult. At hindi ako makapagsimula ng maayos hangga't hindi ko pala nasasabi na yung bagong proposal na lang yung itutuloy ko, knowing na mas makakabuti nga talaga na yung bagong proposal na lang gawin ko kesa yung dati. Alam ko na tatanggapin naman na yung desisyon ko, kasi thesis ko pa rin ito.

Truly, words are powerful enough to make one stay and hold on. So dude, be careful about what you will say to people.

And kahapon, nasabi ko na rin sa kanya. Dapat din pala noon ko pa iyon ginawa para hindi sayang oras. Huhu. Oh well. Late ko na rin kasi naisip e. Nanghihinayang pa rin ako roon sa dalawang linggo (kahit na nag-data gathering lang naman ako nun kung alin ang gagawin ko sa dalawang thesis). Hindi rin ako makagawa ng maayos ng book chapters dahil sa mga what ifs na naiisip regarding sa dating proposal.

It's no use na to make hinayang doon sa dalawang linggo. Kailangan mag-focus na talaga sa paggawa ng thesis.

It's comeback time.

Ngayong araw na ito...

...wala na naman ako ginawang trabaho related sa thesis. Anubayan.

E kasi naman, nagdadalawang-isip pa rin ako hanggang ngayon, kahit na sinabi na ng mga kaibigan ko na yung bagong thesis proposal na lang yung gawin ko.

Hanggang ngayon hindi ko pa rin mapigilan manghinayang doon sa dating thesis proposal ko. Nadale lang naman ako sa mga sumusunod:
1. curriculum (school kasi yung dating thesis ko)
2. case study (kulang yung efforts ko mag-case study noon)
3. site (hindi pala bagay yung thesis project doon sa site dahil malapit sa commercial area)
4. owner ng proposed thesis project (dapat nag-integrate na lang ako sa isang kilalang institution)

Deep inside, gusto ko pa rin talaga ituloy yung dating thesis proposal ko, kaso kasi yung feasibility issues talaga. At saka yung data gathering, mahirap gawin dahil wala pa masyadong studies tungkol sa thesis project ko. :(

Parang no choice na talaga ako ituloy yung bagong proposal para lang makapasa na.

Consultation Day 1

My friend and I ay nagpa-consult sa aming thesis adviser one time. Si friend ang nauna magpa-consult kay thesis adviser habang ako ay willing to wait naman. Then dumating na rin yung time ko para magpa-consult kay thesis adviser.

Ako: "Good morning po. Papa-consult ko lang po yung chapter 2 (which is yung systems of research/methodology)."

Thesis adviser: "O, nasaan na yung chapter 1 mo?"

Ako: "Uhm wala pa po akong gawa pero dala ko naman yung proposal ko."

Thesis adviser: "O, bakit walang statement of the problem. Yung goals and objectives mo hindi naka-define ng maayos."

Ako: "Ahhh. Sige po." Sinabi ko na lang ito para matapos na. Hahaha.

May iba pa ako pina-consult sa thesis adviser. Okay naman ang kinalalabasan. Pero mapapansin mo talaga na puyat pa si thesis adviser kaya unawain na lang natin.

Ano nga ba talaga?

Dude, parang dalawang linggo ang sinayang ko. Sayang talaga yung dalawang linggo na iyon para makagawa ng thesis. Although binalaan na sa akin si friend na dapat bago magpasukan magpasiya na ako kung itutuloy ko pa ba yung dating thesis na ginawa ko nung nakaraang pasukan, ang hirap pa rin magdesisyon lalo na kung nakakarinig ka ng iba't ibang opinyon tungkol sa iti-thesis mo.

May na-approve kasi sa akin na bagong thesis proposal, although recycled proposal lang iyon mula nung nakaraang taon. Haha. Bale yung dalawang linggo na iyon pagkatapos maapprove ang bagong thesis proposal (maaga naapprove ito yeeey) ay napunta sa pagmumuni-muni kung ano nga ba talaga gagawin kong thesis. Pero dapat hindi ko isipin na sinayang ko lang ang dalawang linggo na iyon dahil nangalap naman ako ng opinyon kung itutuloy ko pa ba yung dating nagawa o magsimula na lang muli ng panibago. Sa loob ng dalawang linggo, dapat isipin ng sarili na nanigurado lamang ako para hindi masyado manghinayang sa dulo. Nanigurado lamang ako kung may posibilidad pa ba makalusot sa thesis defense yung dating nagawa, at para na rin makatipid sa mga magiging gastusin sa paggawa ng bagong thesis.

Salamat ng marami sa mga nakausap ko at naging desidido na rin ako na bagong proposal na lang yung itutuloy kong thesis ngayong taon. Maganda sana talaga yung nagawa kong thesis nung nakaraang taon pero may feasibility issues nga lang. At saka wala masyadong data na makukuha kaya mahirap mag-data gathering hindi tulad ng approved thesis proposal ko ngayon na madali lang makakuha ng data dahil feasible, need, at proposed talaga na gagawin. Yung thesis ko kasi nung nakaraang taon, gawa ko lang talaga iyon kaya nahirapan din ako mangalap ng mga impormasyon.

Oras na para gumawa ng thesis, para maka-graduate na rin.

Uy hindi na rin ako masyadong naglalaro ng Everwing. Share lang. Parang saglit lang yung hype sa akin, out of curiosity.

Note to Self #8

Gumawa ka na ng thesis proposal.

Gumawa ka na ng thesis proposal.

Gumawa ka na ng thesis proposal.

Gumawa ka na ng thesis proposal.

Gumawa ka na ng thesis proposal.

Gumawa ka na ng thesis proposal.

Gumawa ka na ng thesis proposal.

Gumawa ka na ng thesis proposal.

Everwing pa.