Past 11PM na.

At wala pa rin ako masyadong ginagawang proposals para sa consultation bukas.

May klase kami bukas sa aming thesis subject na Architectural Design 9. Kailangan makapagpa-consult sa aming thesis adviser dahil Sabado lang daw siya nasa school. Individual ang thesis na ito kaya kailangan maging tutok sa paggawa ng thesis proposals. Paunahan pa sa mga ideas. Huhu. Kapag may kamag-aral ka na kapareha mo ng idea, at siya ang nauna makapagpa-approve kesa sa'yo, nasa kanya na ang karapatan kung iyon na ba talaga yung gagawin niyang thesis project o hindi. Pwede kasi na magkaroon ka ng lagpas isang thesis proposal na na-approve ng mga prof.

Iba na rin ang kalakaran ngayon sa pagpapa-approve. Noon, may tinatawag kaming "Thesis Evaluation Committee" o mas kilala bilang "TEC". Sila ay kinabibilangan ng mga thesis advisers nung nakaraang taon. Sila ang taga-evaluate at taga-approve ng thesis proposals. Kailangan sa isang proposal, magkaroon ka ng dalawang approved mula sa tatlong TEC para magawa mo na yung thesis project mo na iyon. At kailangan dalawa o higit pa ang ma-approve na thesis proposals mo. Pang backup yung ibang approved kung sakaling nagkaroon ng problema roon sa pinursue mong approved thesis proposal (hal. ng isang problema: nag-groundbreaking na yung project. Bawal yung mga projects na nag-groundbreaking na bilang isang thesis proposal.)

Tapos simula ngayong taon, tinanggal na nila ang TEC. Bale sa limang prof ka na magpapa-approve -- Dean, thesis adviser, at tatlong random architecture professors ng kolehiyo. Kailangan maka-limang approval ka para mai-push mo ang isang thesis proposal mo. Pero kung hindi ka dumaan sa Research Methods for Architecture o RMA (isang subject ito tuwing 4th year college na kung saan ginagawa ang research para sa mga magiging thesis proposal) ni Dean nung nakaraang taon, ang mangyayari magpapa-approve ka ng thesis proposal sa thesis adviser mo at sa apat na random architecture professors. Pwede ka rin magpasa kay Dean ng thesis proposal mo total faculty pa rin naman siya ng kolehiyo.

At eto ako ngayon, imbes na gumagawa ng proposals o nag-aayos ng files para sa consultation bukas, nandito ako. Haha.

Ewan ko ba kung bakit tinatamad ako gumawa. Pramis. Sabi pa naman ng isang kaibigan ko, ito na ang comeback. Pero ewan. Tinatamaan talaga ako ng katamaran at hindi mapigilan maging masyadong bilib sa sarili na kaya gumawa ng proposal sa loob lang ng iilang oras. Ang pangit ng ganitong pag-iisip pero dahil sa katamaran, nagagawa ko. Huhu.

Tulong po!