Ang Hamon

Isang araw ng thesis deliberation period para sa Design 9 (thesis) noong nakaraang taon bandang buwan ng Setyembre, habang kaming magkakaibigan ay nakatambay sa tapat ng Dean's Office, bumukas ang pinto ng Dean's Office at sumilip palabas ang Dean ng college namin. Napatigil kaming magkakaibigan sa pagkukwentuhan para batiin si Dean pero tinignan lang niya kaming magkakaibigan ng mabuti hanggang nagkita ang mga mata ni Dean sa mga mata ko.

"Oh, halika rito," sabi ni Dean na may kasamang pagkilos ng kamay papasok ng kanyang opisina.

Sumunod naman ako. Sinundan ko si Dean hanggang makarating doon sa may lamesa niya sa loob ng kanyang opisina. Umupo na si Dean sa kanyang upuan.

Akala ko uutusan niya ako. Hindi pala.

May chika si Dean.

Non-verbatim:

Dean: "Uy alam mo ba yung isang estudyante ko, ikakasal na."

Ako: "Ohhh? Talaga po?"

Dean: "Oo, tapos tignan mo itong wallpaper ng PC ko."

Ako: *tumingin sa wallpaper ng PC niya at medyo nagulat*

Dean: "Ang sarap-sarap ng hamon. Sana mag-Pasko na."

Ako: "Oo nga po ee. He he he." (hindi ko alam kung ano sasabihin ko sa mga oras na ito huhu pero hindi ko talaga aakalain na hamon ang wallpaper sa kanyang PC)

Dean: "Osya. You may go na." *with matching kilos ng kamay palayo*