2011. First semester. Section 1-3 days.
Kakatapos lang ng klase namin sa Graphics 1 na subject. Kanya-kanyang ligpit ng gamit pang-arki para makakain na rin ng lunch bago pumunta sa susunod na subject sa kabilang gusali. Nung kakalabas lang namin ng aming kwarto, may napansin kaming mga higher year na gumagawa ng kanilang plate para sa isang subject.
Napatigil kami sa aming paglalakad nang mapansin ang mga detalye ng mga gawa nila. Ang daming specifications at dimensions na nakalagay. Yung tipong parang totoong plano na talaga yung ginagawa nila para sa isang totoong proyekto.
Hindi namin mapigilan ang aming pagkamangha sa kanila. Sabi namin sa higher years, "Wow ang galing niyo naman po."
"Hala hindi naman," sabi ng isang ate na higher year na ngumiti sa amin. Medyo mukha na rin siya nagmamadali sa mga oras na iyon. Pasahan ata ng plate nila.
Umalis kami roon na may dalang pagkamangha sa mundo ng arkitektura.
Makalipas ang dalawang taon, nalaman na lang namin na "Building Technology" pala ang pangalan ng subject na iyon.
At kaya pala dapat hindi kami mamangha sa oras na iyon ay dahil binakat lang pala o kinopya ng higher years yung plate nila mula sa iba pang plate, o kaya roon sa sample plate na pinamahagi sa kanila noon sa subject na iyon.
Napagtanto na lang namin ito nung kami na rin mismo ganoon na rin ang ginagawa namin. Ha ha.
No comments:
Post a Comment