Pitong Napagtanto Mula Sa CONEX 2017

CONEX 2017 at SMX Convention Center

Ang United Architects of the Philippines (UAP) ay nagho-hold ng isang official convention exhibition sa SMX Convention Center tuwing buwan ng Abril. Mas kilala itong convention na ito bilang CONEX. May mga seminars sa event na ito pati na rin ang pag-showcase ng iba't ibang produkto, serbisyo, at teknolohiya. Kadalasan libre lang ang admission dito at marami ka pang makikita at matututunan.

Nag-solo flight ako ngayong taon. May mga bagay lang ako na napagtanto. Ngayon ko lang ito naisulat. Hahaha.

1. Ang CONEX ay isang magandang oportunidad para matuto o malaman ang mga realidad sa mundo ng arki, na hindi matututunan kaagad sa loob ng silid-aralan.

2. Marami pa nga talaga hindi ko alam sa mundo ng arkitektura at konstruksyon. May mga bagay pa rin na hindi ko pa rin alam kung ano ang kanyang gamit at kung paano ginagamit.

3. Minsan masaya mag-solo flight sa mga ganitong events. Matututo ka talaga mag-rely sa sarili. At saka, there's satisfaction in anonymity.

4. Pero minsan malungkot sa pakiramdam na mag-isa ka sa mga ganitong events dahil ang mga taong nakakasalubong mo, may mga kasama at minsan grupo pa sila umiikot. Ang hirap din minsan kasi wala kang karamay sa saya and learning.

5. Dito mo minsan makikita o mararamdaman na kapag wala ka pang masyadong nararating (halimbawa: hindi ka pa arkitekto, atbp.), hindi ka papansinin masyado ng ibang booths. Hindi sila yung kusang lalapit sa'yo. Isang realidad.

6. Kahit hindi ka masyado pinapansin or ineentertain dahil estudyante pa lang, hindi naman ibig sabihin nito hindi mo na sila pwede lapitan o kaya mag-inquire roon sa booth na iyon. Dito mo makikita na kapag wala kang ginawa, wala ka rin mapapapala. Kadalasan naman, kapag ikaw ang unang kumilos, ieentertain ka nila.

7. Kaya huwag mahihiyang magtanong. Huwag mahihiyang sumubok. At huwag mahihiyang magkamali. It's part of the growth process.